Baile

Fáilte an Phríomhoide

Thar ceann na ndaltaí, na foirne agus an Bhoird Bainistíochta, ba mhaith liom sibh a chur in aithne do Scoil Oilibhéir Pluincéid Naofa, Rann na Feirsde.

Mar phríomhoide, is mór an pléisiúr dom fáilte a chur romhat chuig suíomh idirlín na scoile. Anseo i Rann na Feirsde, déanann muid ár ndícheall a chinntiú go bhfuil do phaiste mar chuid de thimpeallacht sona, sábháilte agus cuimsitheach. Tá súil againn go mbeidh taithí shaibhir agus tairbheach ag do pháiste ar ár scoil.

Is é ár gcuspóir ná go mbeidh muid in ann cuidiú le do pháiste ar aon bhealach is féidir a lánacmhainneacht a bhaint amach. Cuid riachtanach le go dtarlóidh sé seo is é an comhoibriú. Amharcann muid ar oideachas mar chomhpháirtíocht, ina bhfuil gach duine rannpháirteach – páistí, tuismitheoirí, baill foirne agus pobal na scoile i gcoitinne chun a chinntiú go gcothaítear forbairt acadúil, shóisialta, mhothúchánach agus spioradálta do pháiste.

Mar fhocal scoir, ba mhaith liom fáilte chroíúil a chur roimh gach cuairteoir chuig suíomh idirlín na scoile. Tá súil agam go dtabharfaidh sé léargas duit ar a bhfuil ar siúl sa scoil agus léargas ar ár ndóchas agus ár n-ardmhianta.